Gjykata Kushtetuese ka rrëzuar të mërkurën një kërkesë të ish-kryeministrit Sali Berisha për përjashtim të një prej anëtarëve të trupës nga gjykimi i çështjes së ngritur prej tij. Kryetarja e Gjykatës Kushtetuese Holta Zaçaj u tha gazetarëve se shumica në gjykatë kishte arsyetuar se kërkesa e Berishës për përjashtimin e Marsida Xhaferllarit ishte e pa bazuar në prova.
Berisha ka kërkuar në Gjykatë Kushtetuese të shqyrtohet procedura e ndjekur në vendosjen e masës “detyrim paraqitje” ndaj tij, prej Gjykatës së Posaçme pa marrë miratim nga Kuvendi. Masa e sigurisë është lënë në fuqi në të tre shkallët e gjyqësorit.
Berishës, i cili është dërguar në gjykim nga SPAK për akuzën e korrupsionit pasiv, iu caktua masë sigurimit detyrim paraqitje në tetor të vitit që shkoi. Pasi ish-kryeministri refuzoi të zbatonte masën e caktuar nga prokuroria, gjykata vendosi ndaj tij masën “arrest shtëpie”.
Berisha kundërshton në Gjykatën Kushtetuese vendimin për caktimin e masës detyrim paraqitje, pasi pretendon se jo duhej të ishte votuar fillimisht në kuvend.
