Shorti për Partinë Demokratike ishte shumë bujar. Koalicioni i drejtuar nga Sali Berisha “Aleanca për Shqipërinë Madhështore”, do të renditet e para në fletën e votimit në 11 maj.
Këtë të hënë në ambientet e Komisionit Qendror të Zgjedhjeve u hodh shorti për renditjen e partive politike në fletën e votimit, ku lista nis me PD-në dhe përfundon me PSD-në e Tom Doshit.
Socialistët e drejtuar nga Edi Rama do të mbajnë numrin rendor 5, ndërsa partia e re e Lulzim Bashës, Koalicioni Euroatlantik do të mbajë numrin 4.
Dy koalicionet e tjera “Nisma Shqipëria Bëhet” dhe “Djathas për Zhvillim” që drejtohen nga Adratik Lapaj dhe Dashamir Shehi, do të renditen përkatësisht në vend të gjashtë dhe të nëntë.
Partia Mundësia e Agron Shehaj do të mbajë numrin 10 në fletën e votimit ndërkohë Socialdemokratët që drejtohen nga Tom Doshi, do të mbajnë numrin 11.
KQZ ndërkohë përmbylli dhe regjistrimin e listave shumëemërore të 11 partive politike që do të garojnë në 11 maj.
RENDITJA E PARTIVE NË FLETËN E VOTIMIT
1- Partia Demokratike – Aleanca për Shqipërinë Madhështore
2- Lëvizja Bashkë
3- Lëvizja Atdheu
4- Partia Koalicioni Euroatlantik
5- Partia Socialiste
6- Koalicioni “Nisma Shqipëria Bëhet”
7- Aleanca Kombëtare
8- Aleanca Demokracia e Re
9- Koalicioni “Djathtas për Zhvillim”
10- Partia Mundësia
11- Partia Socialdemokrate
