Kryetari i Bashkisë së Lezhës, Pjerin Ndreu dhe kandidati për deputet i Partisë Socialiste në Lezhë, Admir Kadeli kallëzuan në polici një llogari anonime në TikTok, që shpërndan foto dhe video të montuara me përshkrime fyese dhe denigruese ndaj tyre.Në disa postime, llogaria false publikon edhe video të gjeneruara përmes Inteligjencës Artificiale. Rasti u denoncua edhe nga kryebashkiaku Ndreu përmes një postimi në Facebook.
“Unë e marr me mend se kush jeni! Por do t’ua zbardh fytyrën e zezë,” paralajmëroi Ndreu, duke shtuar se njerëz të tillë e kishin vendin në burg.
Edhe pse qeveria shqiptare ka vendosur që ta mbyllë rrjetin social TikTok për një periudhë 1-vjeçare, shumë përdorues e aksesojnë atë përmes aplikacionit VPN. Policia e Lezhës deklaroi përmes një njoftimi se po vazhdonte hetimet për identifikimin e autorëve pas llogarisë së rreme në TikTok, ndërsa ia kishte kaluar materialet edhe Prokurorisë së Juridiksionit të Përgjithshëm, Lezhë.
Ky nuk është rasti i vetëm, kur politikanë në prag të zgjedhjeve sulmohen apo denigrohen përmes llogarive të rreme në rrjetet sociale. Kryetari i Partisë “Mundësia”, Agron Shehaj apo ai i Lëvizjes Bashkë, Arlind Qori janë tagetuar më parë online edhe për sulmeve të reklamuara.
