Gjykata e Posaçme Kundër Korrupsionit dhe Krimit të Organizuar shpalli fajtorë dy zyrtarë të bashkisë së Kurbinin si dhe aksioneren e kompanisë “Senka” për vepra penale të shkeljes së barazisë në tendera dhe falsifikim të dokumenteve në lidhje me ujësjellësin e Laçit.
Sipas njoftimit të Gjykatës, u deklaruan fajtorë Jeton Cakoni dhe Vlash Gega për veprën penale të shkeljes së barazisë në tendera dhe u dënuan me 1 vit burgim, dënim i cili u pezullua dhe funksionarët kaluan në shërbim prove për një periudhë 16 mujore. Ndërkohë, e akuzuara e tretë, Irisi Tahiraj u shpall e pafajshme, pasi nuk u provua përfshirja e saj.
Pjesë e këtij procedimi ishte edhe Donika Senka, aksionere me 50% e kompanisë “Senka”, e cila u akuzua nga Prokuroria për veprën penale të “falsifikimit të vulave dhe stampave”. Senka u deklarua fajtore dhe u dënua gjithashtu me 8 muaj burgim, i cili u konvertua në shërbim prove.
Vendimi u shpall nga trupa e përbërë nga gjyqtarët Erjon Bani, Etleva Deda dhe Irena Gjoka. Në dispozitivin e vendimit, gjykata vendosi gjithashtu që Bashkia e Kurbinit duket t’i klasifikojë dokumentet e sekuestruara për llogari të këtij procesi si “Të deklaruara sit ë falsifikuara me vendim gjykate”.
