Me një diferencë vetëm prej 64 votash në numërimin e parë në favor të Çaushit, gjatë procesit të rinumërimit Bardho ka dalë përpara me 10 vota plus duke rikuperuar votat që nuk i ishin njohur gjatë numërimit.
Çaushi i janë hequr 48 vota të marra padrejtësisht ndërsa Bardhos iu shtuan 26 vota pas rinumërimit.
Procesi i rinumërimit në Fier zbuloi në një masë të gjerë trafikimin e votave brenda listës së hapur të subjekteve zgjedhore, ku përfituesi kryesor rezulton zv.ministri i Infrastrukturës, Ceno Klosi.
Kandidatja socialiste Çaushi u bë e virale gjatë fushatës zgjedhore për shkak të videove që ajo prodhonte duke përdorur një gjuhë tallëse ndaj drejtuesit politik të opozitës në Fier.
Kërkesa për rinumërimin e qarkut të Fierit u bë nga koalicioni Nisma Shqipëria Bëhet e Adriatik Lapajt, i cili pretendonte një mandat në këtë qark, por nga rinumërimi ky koalicion nuk arriti të marrë vota plus, përkundrazi humbi 8 vota.
