Prokuroria e Lezhës ka finalizuar të mërkurën një hetim për veprat penale “Shpërdorim detyre” dhe “Ndërtim pa leje”, duke çuar në caktimin e nëntë masave të sigurisë për zyrtarë, ish-zyrtarë dhe një përfitues të dyshuar.
Hetimet, të drejtuara nga prokurorja Iva Harka, janë fokusuar në zonën e Ranës së Hedhun në Shëngjin. Dyshimet janë se në këtë zonë është tjetërsuar prona, është ndërtuar pa leje dhe më pas objektet janë legalizuar në mënyrë të parregullt.
Masat e sigurisë të ekzekutuara nga Policia e Lezhës përfshijnë “arrest në burg” për Pjetër Tucin, i cili dyshohet si përfitues i pronës. Për pesë të tjerë është caktuar masa “arrest në shtëpi”; ata janë Gentjan Malotaj, ish-drejtor i Kadastrës së Lezhës, Artur Shabaku, ish-shef i sektorit të Legalizimeve, dhe zyrtarët e kadastrës Admir Maxhuni, Luiza Bala dhe Hekuran Xhina. Ndërkohë, për dy ish-drejtues të IKMT-së, Flor Gjini dhe Kol Malai, gjykata ka vendosur masën “ndalimi i daljes jashtë shtetit”. Së fundi, polici i zonës së Shëngjinit, Martin Ndoka, është pezulluar nga detyra dhe i është ndaluar dalja jashtë vendit.
Zona e Ranës së Hedhun në Shëngjin ka qenë vazhdimisht në qendër të hetimeve për tjetërsim pronash dhe ndërtime pa leje prej shumë vitesh
