Besfort Lamallari është specializuar për kriminologji dhe drejtësi penale në Universitetin e Oksfordit, Mbretëria e Bashkuar (OSFA Alumnus). Në vitin 2013, ai ka marrë pjesë në programin kërkimor në çështje të sigurisë të organizuar nga Aleanca Ndërkombëtare e Universiteteve Kërkimore (IARU) në Kopenhagen, Danimarkë. Më herët, në 2011 ka përfunduar programin LL.M. “Bashkëpunimi ndërkombëtar kundër Krimit të Organizuar transnacional” pranë Universitetit të Teramo në Itali. Ai është diplomuar për drejtësi në Universitetin e Tiranës në vitin 2009 dhe aktualisht bashkëpunon me Fondacionin Shoqëria e Hapur për Shqipërinë si hulumtues mbi krimin e organizuar.