Dan Diaconescu, një figurë problematike e medias me ambicie politike, është burgosur të mërkurën për shantazh dhe u ndalua të kandidonte për poste publike.
Një gjykatë rumune dënoi me pesë vjet e gjysmë burg Dan Diaconescun të mërkurën për shantazh. Ai u shpall fajtor për kërkim të ryshfetit nga një kryebashkiak në Rumaninë veriore dhe nga një biznesmen në shkëmbim të mos-transmetimit të materialit komprometues për ta.
Dy gazetarë morën dënime me burg për të njëjtën çështje. Diaconescu e mohoi çdo shkelje dhe pretendoi se akuzat ishin të motivuara politikisht.
Gjykata gjithashtu e ndalo Diaconescun, që kandidoi për president në dy raundet e fundit zgjedhore, të mbante poste publike për tre vjet pasi të kishte kryer dënimin.
Diaconescu ishte një prezantues televizioni dhe pronar i OTV, një kanal i njohur për stilin sensacional të raportimit, që u ndalua në 2013 për nxitje të urrejtjes raciale dhe diskriminimit.
Ai themeloi një parti që mban emrin e tij, Partia Popullore e Dan Diaconescut, PPDD, që fitoi vende në parlament. Ministrat e tij që atëherë e quajtën grupin parlamentar si grupi demokratik dhe popullor.
Gazetari i kthyer në biznesmen dhe politikan u përpoq të blinte prodhuesin e kimikëve Oltchim të zotëruar nga shteti, gjatë një përpjekje për privatizim. Pasi u përzgjodh si fitues, ai nuk ia doli të mblidhte paratë, duke e kthyer të gjithë procesin në një dështim të shumëpërfolur. Diaconescu aktualisht po hetohet për falsifikim dokumentesh për të fituar tenderin.
