Pritet të rifillojë pas vitesh të tëra vonesë puna për ndërtimin e një pjese të autostradës 415 km të gjatë.
Autoriteti i rrugëve publike në Rumani, CNADNR, njoftoi ditën e hënë se i ka dhënë 701,000.000 lei (rreth 159 milion euro) një konsorcium të përbërë nga “Corsan SA-Corviam Construction” e Spanjës dhe tri kompanive rumune për ndërtimin e autostradës.
Marrëveshja mbulon projektimin dhe ndërtimin e një autostrade prej 60 km, e cila shtrihet në veriperëndim të vendit dhe përfundon në qytetin e Borsi në kufirin rumuno-hungarez.
Autostrada është pjesë e Austradës së Transilvanisë, e cila mendohet të jetë 415 kilometra e gjatë, nga Brasovi në Rumaninë qendrore, të kalojë përmes qarkut veriperëndimor të Kluzhit në Bors.
Puna në autostradën filloi në vitin 2004 pas një kontrate me vlerë 2.2 miliard eurosh iu dha kompanisë amerikane “Bechtel”. Por ndërtimi u ndërpre në mes të vitit 2005, kur një qeveri e re filloi të kontrollonte kontratat e lidhura nën administratën e mëparëshme të krahut të majtë.
Në maj 2013, pas dhjetë vitesh punë të vazhdueshme dhe vetëm 52 kilometrash rrugë të përfunduar, qeveria e qendrës së majtë e kryeministrit Viktor Ponta e anuloi kontratën me kompaninë “Bechtel”.
Deri në atë kohë, Rumania kishte shpenzuar rreth 1.42 miliard euro për autostradën. Vendi i ka ende borxh kompanisë 37.2 milion euro, shuma e punës që është realizuar deri më tani.
Vendi ballkanik aktualisht ka më pak se 700 kilometra autostradë të përfunduar, jo shumë për një vend të madhësisë së saj, dhe larg rrjetit rrugor që kemi parë në shumë vende të Evropës Perëndmore.
Rumania hapi 50 kilometra autostradë vitin e kaluar, më pak se gjysma e asaj që ajo arriti në vitin 2013.
Gjatë viteve të fundit, me ndihmën e Bashkimit Evropian, qeveritë janë përpjekur ta përmirësojnë situatën, por asnjë nga projektet që ka filluar nuk ka përfunduar ende plotësisht.
Disa u desh të shtyheshin ose anuloheshin për shkak të vonesave të pagesave nga qeveria ose u bllokuan për shkak të vonesave në finalizimin e projektit të autostradave.
