Nusja e ardhshme jep këshilla për të tjerat që do të jenë në pozicionin e saj, duke medituar mbi martesën dhe përfshirjen e dhëndrit në procesin e planifikimi të dasmës.
Planifikon të kalosh pjesën tjetër të jetës me të, të bëni gjithçka së bashku, të jeni shokë udhëtimi, të ndani sekretet më intime dhe ta doni njëri-tjetrin përgjithmonë. Beson se edhe ai ka të njëjtin plan dhe pret që ai të jetë po aq entuziast sa ty jo vetëm për të gjithë këtë, por edhe për çdo gjë tjetër që ka të bëjë me përgatitjen e dasmës.
Ka dy lloje meshkujsh kur vjen puna për planifikimin e dasmës, burrat që tregojnë entuziazëm dhe burrat që e nuk tregojnë. Kategoria e dytë mund të jetë e fortë dhe e painteresuar, por ata janë një pakicë. Shumica janë po aq të interesuar dhe të entuziazmuar sa gruaja, por priren t’i fshehin ndjenjat e vërteta sepse janë “për femrat”. Po, është një stereotip!
Burrat nuk përfshihen shumë në përzgjedhjen e luleve, ngjyrave dhe gjërave të tilla të kota. Në Ballkan, nëse ai do të organizojë dasmën, ai zgjedh restorantin, muzikën dhe shpreson se gjithçka tjerë do të bëhet pa ndërhyrë. Epo, jo derisa gjërat të marrin për ters dhe të duhet të ngrihen muskujt në veprim.
Mund të jetë e vështirë për t’u kuptuar, por nuk e njeh me të vërtetë burrin me të cilin po martohesh përpara se të fillosh të planifikosh dasmën. Atëherë kupton se si është dhe si do të jetë shpërndarja e pushtetit në martesën tënde.
Mëson se si ai përballet me situatat e vendimmarrjes, kur përfshihet dhe të ndihmon me diçka që po mundohesh. Kupton se sa vëmendje i kushton ai detajeve dhe se si e shfaq mosdakordësinë. Më e rëndësishmja, kupton se cilat janë mënyrat e tij për të lënë të kuptosh se ka një mundësi më të mirë për të bërë diçka.
Fatmirësisht, (ose fatkeqësisht në disa raste) e kupton se sa të do dhe sa interesohet për gjithçka që ti bën për të planifikuar të ardhmen tuaj. Zbulon nivelin e dëshirës së tij për të të bërë të ndihesh e lumtur dhe përpjekjen që ai bën për ta bërë këtë realitet.
Mund të kaloni muaj dhe vite së bashku, por planifikimi i dasmës zbulon shumicën e të ardhmes suaj. Për mua kështu funksionoi.
Gjithçka në muajt e fundit ishte një seri zbulimesh. Unë e dija tashmë se me kë po martohesha, por i gjithë procesi më bëri t’i shoh gjërat nga një kënd dhe perspektivë e ndryshme dhe më la të kuptoja detaje të tjera për të.
Me të filluar të planifikosh dasmën, e lë atë të vendosë se çfarë roli do të ketë në proces.
Mos e mbysni atë duke i bërë pyetje idiote si: “a të pëlqen kjo fjongo ngjyrë jargavani” apo “Si mendon për kombinimin e këtyre luleve”? Ndani me të gjëra, por mos e teproni. Pyeteni, por mos e nxisni shumë të përgjigjet.
Një grua e mençur dikur më tha: “Mos bëj një pyetje të cilës ia di përgjigjen dhe të cilën nuk do ta dëgjosh!” Nuk ia ndoqa plotësisht këshillën në realitet, por e mbajta vëth në vesh gjatë procesit të planifikimit të dasmës (veçanërisht në çaste problematike dhe gjithashtu edhe në momente të qeta).
Për të qenë e sinqertë, nuk e di nëse do të më pëlqente nëse ai do të më rrinte mbi kokë për gjithçka, por rashë në dashuri me ndërhyrjet e tij gjatë kohës kur më pa në vështirësi.
Klikoni këtu për të lexuar: Dasma ime ballkanase prej të rriture (1), Dasma ime ballkanase prej të rriture (2), Dasma ime ballkanase prej të rriture (3); Dasma ime ballkanase prej të rriture (4), Dasma ime ballkanase prej të rriture (5), Dasma ime ballkanase prej të rriture (6), Dasma ime ballkanase prej të rriture (7), Dasma ime ballkanase prej të rriture (8), Dasma ime ballkanase prej të rriture (9), Dasma ime ballkanase prej të rriture (10).
