Dasma ime ballkanase prej të rriture u bë

Nuk pati telefonata për ta anuluar. Të gjithë ishin të pranishëm. Unë u vesha shumë bukur. Gjithçka shkoi mirë dhe siç ishte parashikuar. Jam një grua e martuar tani!

Të them të vërtetën, nuk prisja kurrë që ai të telefononte për ta anuluar dhe unë nuk kisha plane ta bëja këtë. Në fund të fundit, ne jemi të rritur dhe e dinim se në çfarë po përfshiheshim, ndaj nuk kishte shumë vend për befasi.

Më pëlqeu mënyra se si e shihja fustanin tim të dasmës dhe më pëlqeu mënyra se si ai dukej në kostum; i gjatë, i pashëm dhe elegant, një dhëndër i vërtetë.

Lokali nuk ofroi asgjë nga ato që premtoi, ndaj më bëri që të ndryshoj disi planin e dekorimit në minutë të fundit.

Pati gjithashtu gjëra që kërkova të ofroheshin sipas planifikimit. Ende, nuk pati mëri, ngaqë ata kompensuan të gjitha mangësitë duke na lejuar të qëndrojmë aty për tre ditë dhe e kthyem pothuajse në atë që donim, duke na shërbyer ushqim shumë të mirë dhe me kamerierët e gjindshëm.

Muzika ishte një katastrofë, siç pritej, nuk i përzura; nuk kishte kuptim t’i shpjegoja se çfarë nuk shkonte, për shkak të paaftësisë së tyre të madhe për ta kuptuar. Ata nuk e dallonin dot ndryshimin midis një feste pijanecësh apo një mbrëmje vallëzimi në fshat dhe nuk ishin të duhurit për detyrën.

Fatmirësisht kisha një plan rezervë, një mik që ndërhyri dhe u bë DJ dhe na zbardhi faqen.

Torta ishte fantastike, jo vetëm që dukej bukur, por kishte edhe shije shumë të mirë. I morëm ato që mbetën në shtëpi dhe kam ngrënë tortë që prej asaj dite (sigurisht, i mora prapë disa nga kilogramët e humbur).

Pra, në fund të fundit, po hap një shërbim të planifikimit të dasmave, sepse asnjë nuse nuk duhet ta kalojë këtë pa ndihmë profesionale – vetëm nëse do të përfundojë duke i kërkuar ndihmë një psikiatri në një ambient të qetë, larg njerëzve.

Gëzuar!