Disa mijëra studentë protestuan të enjten jashtë godinës së Ministrisë së Arsimit duke kërkuar tërheqjen e VKM që i ngarkon ata me pagesë shtesë për provimet e mbartura.
Studentët nga fakultete të ndryshme të Universitetit të Tiranës bojkotuan mësimin për të tretën ditë radhazi, ndërsa i kërkuan ministrisë së arsimit të tërhiqet VKM-ja, që përcakton një tarifë për studentët që mbartin provime.
Mijëra studentët protestues hodhën gjithashtu vezë ndaj godinës dhe paralajmëruan përshkallëzim të protestave në rast të mos-tërheqjes së tarifës.
Ata e quajtën ata një barrë mbi përpjekjet e tyre për të arritur rezultate sa më të mira në mësime.
VKM e datës 5 maj 2018 parashikon në pikën 4 se “studenti, i cilësuar në bazë të rregullores së institucionit të arsimit të lartë publik si përsëritës në një lëndë apo në shumë lëndë dhe vijon studimet në vitin pasardhës, i nënshtrohet tarifës së shkollimit për kredit për detyrimet apo lëndët përsëritëse, si dhe tarifës vjetore të shkollimit të vitit akademik në të cilin vazhdon studimet”.
Foto:
