Gjykata e Kurbinit la me masë sigurie arrest në burg tre autorët e dyshuar për vrasjen e kushërinjve Kelvin dhe Erjon Jushi. Dy prej të ndaluarve kërkuan masë më të lehtë sigurie.
Gjykata e Kurbinit la me masë sigurie arrest në burg tre autorët e dyshuar për vrasjen e kushërinjve Kelvin dhe Erjon Jushi të dielën e kaluar në Laç. Seanca gjyqësore në ngarkim të Markel, Manuel dhe Vincens Bushit u zhvillua nën masa të forta sigurie.
Tre të akuzuarit kanë pretenduar se ngjarja ka ndodhur në gjaknxehtësi. Avokati i Manuel dhe Vinçens Bushit pretendoi se ata nuk kanë qëlluar me armë zjarri dhe kërkoi që të liheshin me një masë sigurie më të butë. BIRN nuk mundi të kontaktonte me mbrojtësin e Markel Bushit, që është i dyshuari kryesorë për ngjarjen.
Pasi dëgjoi argumentet e prokurorit dhe avokatëve në lidhje me ngjarje gjyqtari Ded Miri vendosi të lërë në burg të tre autoret e dyshuar të vrasjes.
Gjatë momentit të caktimit të mases së sigurisë Gjykata e Kurbinit u blindua nga forcat e ndërhyrjet së shpejtë të ardhura nga Shkodra, ndërkohe që nuk ishte i pranishem asnjë nga familjarët e të dyshuarve. Vrasja e Kelvin dhe Erjon Jushi ndodhi mbrëmjen e së dielës në lagjen nr 1 të qytetit të Laçit. Tre të dyshuarit u vetëdorëzuan në polici rreth 48 orë pas ngjarjes.
