Gjykata e Kurbinit caktoi masa sigurie arrest me burg për dy të rinj, të cilët dyshohet se plagosën rëndë dhe grabitën një ish-efektiv të Policisë së Burgjeve.
Prokuroria dhe policia e Kurbinit njoftuan se kishin zbardhur pas 9-vitesh grabitjen dhe plagosja me sende të forta e Arben D, një ish-efektiv i policisë së Burgjeve. Ngjarja e ndodhur në qershor të vitit 2011-të në Fushë-Mamurras të Kurbinit, ka sipas policisë autorë dy kushurijtë E.B, 27 vjeç, i cili është arrestuar dhe F.B, i cili është shpallur në kërkim.
Ndaj dy të rinjve, me kërkese të prokurorisë Gjykata e Kurbinit ka vendosur masen e sigurisë “Arrest me Burg”, pasi sipas organit të akuzës rezultojnë të jetë autorët e dyshuar të grabitjes dhe dhunimit të shtetasit Arben.D, i cili në atë kohë punonte si efektiv i policisë së burgjeve. Në makinën që i kishin grabitur dy të rinjë dhe që u gjet e braktisur në Kashar janë gjetur sipas hetuesve gjurmë gishtërinjsh të tyre, çka ka çuar në zbardhjen e ngjarjes pas 9-vitesh hetime.
Efektivi i policisë së burgut Arben.D, punonte edhe si taksist në të zezë, ishte faturuar nga dy të rinjë për t’i dërguar në Mamurras, por pasi u afrun pranë zonës së Fushë-Mamurrasit ata e kanë orientuar atë që të hyjë në një rrugicë, që ndodhej larg syrit të qytetarëve. Ata e kanë qëlluar atë me mjete të forta dhe më pas i kanë marrë makinën dhe sendet personale. Mjeti u gjet i braktisur pranë zonës së Kasharit dhe kjo duket se e ka ndihmuar grupin hetimor që të zbardhë ngjarjen.
