Prokurorja Ervisa Hyka e Prokurorisë së Fierit do të përballet të martën më 27 shtator me Komisionin e Pavarur të Kualifikimit. Procesi i saj i vetingut po kryhet nga trupa e përbërë nga Brunilda Bekteshi, Roland Ilia dhe Pamela Qirko.
Ervisa Hyka përfundoi studimet e Magjistraturës në vitin 2012 dhe u emërua prokurore në Prokurorinë e Rrethit Gjyqësor Vlorë. Prej vitit 2015, ajo e ushtron funksionin pranë Prokurorisë së Rrethit Gjyqësor Fier.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet pasurinë e deklaruar nga prokurorja Ervisa Hyka nga viti 2011 deri në fund të vitit 2018. [Kliko për skedën në PDF].
Në deklarimin për të herë të parë në vitin 2011, prokurorja Ervisa Hyka nuk zotëronte asnjë pasuri, ndërsa në fund të vitit 2018, ajo zotëron pasuri me vlerë 2.1 milionë lekë.
Ajo deklaron kursime të akumuluara në cash prej 1.6 milionë lekësh dhe rreth 508 mijë lekë si likujditete bankare. Në fund të vitit 2018, Hyka deklaron se kursimet e akumuluara në cash për vitet 2014-2018 me vlerë prej 1.5 milionë lekësh i ka depozituar në një llogari bankare.
Të ardhurat për periudhën deklaruese janë 8.3 milionë lekë, nga të cilat gati 95% kanë si burim pagën nga funksioni i prokurores dhe 5% kanë burime të tjera.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 8 vite të deklarimit, asnjë prej deklaratave nuk rezultoi me probleme.
Deklarata Para Fillimit të Detyrës
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Deklarata e pasurisë së vitit 2018
Për më shumë dokumente vizitoni databazën tonë dokumente.reporter.al
